အလယ်တန်းကျောင်း (collège) နှင့် အထက်တန်းကျောင်း (lycée) သည် များသောအားဖြင့် အသက် ၁၁ နှစ်မှ ၁၈ နှစ်ကြားဖြစ်သည်။
အလယ်တန်းကျောင်းကို ၂၀၂၃ခုနှစ်မစတင်ဖွင့်လှစ်ပြီး အလယ်တန်း(ပြင်သစ်စနစ် 6ème / အမေရိကန်စနစ် grade 6 / ယူကေစနစ် year 7) မှစတင်ကာဆက်လက်၍ဖွင့်လှစ်သွားပါမည်။
ပြင်သစ်နိုင်ငံမှစစ်ဆေးထိန်းကွပ်သော အဝေးသင်ပညာရေးစနစ် CNED ဖြင့်စတင်သည့် အစပထမနှစ်တွင် ပြင်သစ်မှပံ့ပိုးသည့်သင်ထောက်ကူများဖြင့်အတန်းတွင်းတွင် ပို့ချလျှက်ရှိပြီး အဖြေလွှာ assignment များအားပြင်သစ်မှတိုက်ရိုက်စစ်ဆေးပါသည်။
အလယ်တန်းသင်ရိုးပရိုဂရမ်
ပြင်သစ်ပညာရေးဝန်ကြီးဌာန၏ညွှန်ကြားချက်နှင့်အညီ မူလတန်းနှင့်အလယ်တန်းတို့တွင်ပညာရေး၏အခြေခံသင်ရိုးတွင်ပါဝင်သောဗဟုသုတများ၊စွမ်းဆောင်ရည်များ၊တန်ဖိုးထားမှုများနှင့်သဘောထားများသင်ကြားပေးသည်။ အဓိကအားဖြင့် အခန်းကဏ္ဌ၅ခုပါဝင်သည်။
- ဘာသာစကားများသင်ယူခြင်း-တွေးခေါ်တတ်စေရန်နှင့်ဆက်သွယ်ပြောဆိုနိုင်ရန်
- လေ့လာသင်ယူခြင်းအတွက် အသုံးကျမည့်နည်းစနစ်များနှင့်နည်းလမ်းများသင်ယူခြင်း
- ကျင့်၀တ်ကောင်းသူတယောက်ဖြစ်လာရန်ပျိုးထောင်ခြင်း
- သဘာဝတရားဆိုင်ရာ၊နည်းပညာဆိုင်ရာစနစ်များသင်ယူခြင်း
- လူမှုဝန်းကျင်နှင့် လှုပ်ရှားမှုများအပေါ်ရှုမြင်သုံးသပ်မှုအမြင်များသင်ယူခြင်း
အလယ်တန်းကျောင်း
အလယ်တန်းကျောင်းပထမအစနှစ်သည် မူလတန်းမှကူးပြောင်းသည့်ကာလဖြစ်သည့်
အားလျှော်စွာမူလတန်းမှသင်ယူခဲ့သည့်ဗဟုသုတနှစ်အတတ်ပညာများအားထပ်ဖြည့်စွက်သည့်အပြင်မိမိကိုယ်ကိုအားကိုးလျှက်သင်ယူလေ့လာတတ် စေရန်ပြင်ဆင်ပေးသည်။
ဆက်လက်သင်ကြားရမည့် 5ème မှ3ème နှစ်များတွင် ပိုမိုနက်နဲသည့် ဘာသာရပ်အမျိုးမျိုးသင်ကြားရင်းကျောင်းသား/သူများအသိပညာအတတ်ပညာပိုမိုတိုးလာပါမည်။
အလယ်တန်းနှင့်အထက်တန်းသင်ကြားရာ၀ယ်ကိုယ်ပိုင်တွေးခေါ်နိုင်စွမ်း၊ဆင်ခြင်သုံးသပ်နိုင် စွမ်းတို့အပြင်စူးစမ်းလေ့လာခြင်း၊လက်တွေ့စမ်းသပ်မှုမျာများ၊ကိုယ်ခြင်းစာစိတ်စွမ်းရည်၊ကာယစွမ်းရည်နှင့်ဉာဏဆိုင်ရာဖန်တီးနိုင်စွမ်းတို့အတွက်လည်းလေ့ကျင့်ပြင်ဆင်ပေးပါသည်။
အထက်တန်းကျောင်း
အထက်တန်း၏အစပထမနှစ်သည်လည်းအလယ်တန်းအဆင့်တွင်သင်ကြားခဲ့သည့်ယေဘူယျကျသည့် သင်ယူမှုများမှတဆင့်အထက်တန်း၏ကျန်ရှိသောနှစ်များတွင်မိမိတို့ကြိုက်နှစ်သက်ရာအထူးပြုများအတွက်ရွေးချယ်ပြင်ဆင်ချိန်ဖြစ်သည်။
အထက်တန်း၏ပထမဆုံးနှင့်အဆုံးပိတ်ကာလတွင် အဓိကဘာသာရပ်များ၊ အထူးပြုဘာသာရပ်များနှင့်အထူးပြုရွေးချယ်ရသောပညာရပ်ဆိုင်ရာများပါဝင်သည်။
အဓိကဘာသာရပ်များတွင် - ပြင်သစ်ဘာသာနှင့်ဘာသာစကားများ၊ ဒဿနိကဗေဒ၊ ပထဝီဝင်-သမိုင်း၊သိပ္ပံ၊အားကစားနှင့်ပြည်သူ့နီတိ များပါဝင်သည်။
ထို့အပြင် အထူးပြုဘာသာရပ်၂မျိုး(သို့)၃မျိုးအားရွေးချယ်စေခြင်းဖြင့် ကျောင်းသား/သူများအဆင့်မြင့်ပညာရေးစနစ်အတွက်ဆက်လက်ရွေးချယ်ရမည့်အထူးပြုဘာသာရပ်အတွက် သိရှိသင့်သည့်ဗဟုသုတ၊ပညာရပ်ဘာသာစကားများအားတဖြေးဖြေးနားလည်တတ်ကျွမ်းလာစေရန်လေ့ကျင့်ပေးသည်။
အထက်တန်းကျောင်းပြီးလျှင်ကျောင်းသား/သူများအကောင်းဆုံးတက္ကသိုလ်များလျှောက်ထားနိုင်ရန်လိုအပ်သည့် အထင်ကရ Baccalauréat ဒီပလိုမာရရှိသည်။
MY 
GB 
FR 