LFIR - ပြင်သစ်နိုင်ငံတကာကျောင်း၊ရန်ကုန်
THE LFIR – French International School of Yangon သည် အကျိုးအမြတ်မယူသည့် အရည်အသွေးမြင့်ပညာရေးအဖွဲ့အစည်းတစ်ခုဖြစ်ပါသည်။ ပြင်သစ်ပြည်ပြင်ပ ပညာရေးအင်ဂျင်စီ AEFE (Agency for French Education Abroad) အသင်းဝင်အနေဖြင့်ပြင်သစ်ပညာရေးဝန်ကြီးဌာနမှ အသိအမှတ်ပြုထားသည်။ နိုင်ငံပေါင်း ၁၃၉ နိုင်ငံရှိ ပြင်သစ်နိုင်ငံတကာကျောင်းပေါင်း ၅၈၀ ကျောင်းများပါဝင်သည့် ပြင်သစ်ကျောင်းများကွန်ယက် နှင့်ချိတ်ဆက်ထားပါသည်။ ပြင်သစ်သင်ရိုးညွှန်းတန်းလက်ကိုင်ကာနိုင်ငံတကာယဉ်ကျေးမှုနှင့်လိုက်လျောညီထွေသင်ကြားပေးပါသည်။
အတွက် 2025-2026 စာသင်နှစ်တွင် LFIR သည် “Toute Petite Section” မှ မှတ်ပုံတင်ခြင်းကို လက်ခံသည် (အသက် ၂) "သို့4ème”(၈တန်း); ကျောင်းသားများသည် အလယ်တန်းနှင့် အထက်တန်းကျောင်းများအထိ တိုးတက်လာသောကြောင့် အတန်းများ ထပ်မံဖွင့်လှစ်ရန် မျှော်လင့်ထားသည်။
LFIRကျောင်းသည်ကလေးများအားဂရုတစိုက်ပျိုးထောင်ပေးသည့်းပျုငှါ၊ပျော်ရွှင်စရာပတ်ဝန်းကျင်တခုဖြစ်သည်။ LFIR သင်ကြားရေးအဖွဲ့၏အားထုတ်မှုများဖြင့် ကလေးတဦးချင်းစီအတွက် လိုအပ်သည့်ပံ့ ပိုးများပေးလျှက်ရှိသည်။ရန်ကုန်မြို့၏အချက်အချာကျသည့်လှပ၊ကျယ်ဝန်းသောကျောင်းဝန်းအတွင်းကလေးများအတွက်စာသင်ခန်းအတွေ့အကြုံ၊အနုပညာနှင့်အားကစားသင်ကြားမှုများအတွက်အဆင်ပြေ စေရန်ဖန်တီးပေးထားသည်။
စစ်မှန်သောနိုင်ငံတကာကျောင်း
ဘာသာစကား၊ယဉ်ကျေးမှူများစွာကိုလွတ်လပ်ပေါ့ပါးစွာဖလှယ်နိုင်သောအစဥ်အလာဖြင့် LFIR ကျောင်းမှာနိုင်ငံတကာမှကျောင်းသား/သူအားလုံးကိုကြိုဆိုထားပြီး လက်ရှိတွင်၁၅နိုင်ငံအားကိုယ်စားပြုထားရာ ပြင်သစ်လူမျိုး၂၁% ၊ မြန်မာလူမျိုး ၃၅% နှင့်ကျန်၄၄%မှာ အခြားလူမျိုးများဖြစ်သည်။ ဤနိုင်ငံတကာနှင့်ဆိုင်သောဝန်းကျင်တွင်ကလေးများအတွက်မတူညီသောယဉ်ကျေးမှုများကိုတွေ့သိ ၊လက်ခံ၊အမြင်ကျယ်စေရန်ရည်ရွယ်ပြီး ကျောင်းတွင် လက်ကိုင်အသုံးပြုသော ပြင်သစ်သင်ရိုးညွှန်းတန်း မှာမူ ယဉ်ကျေးမှုအစုံ၊ ဘာသာစကားအစုံထိတွေ့ရန်ပတ်ဝန်းကျင်အတွက်လိုက်လျောညီထွေမှုရှိစေသည်။
သို့ပါ၍ ပြင်သစ်ပညာရေး၏ သီအိုရီဆိုင်ရာအသိပညာအပြင် ဆင်ခြင်ပိုင်းခြားနိုင်စွမ်းတို့ကိုပါ သင်ကြားထိတွေ့စေသည်။ ထို့ကြောင့် LFIR သည်ကျောင်သား/သူများ အတွက်မျက်မှောက် ကမ္ဘာတွင်လက်တွေ့အသုံးဝင်သည့် ဘာသာစကားဆိုင်ရာ၊ယဉ်ကျေးမှုဖလှယ်နိုင်စွမ်းတို့ကိုတိုးတက်လာစေရန်ပြင်ဆင်ပေးသည်။
ပြင်သစ်တက္ကသိုလ်၀င်တန်းစာမေးပွဲအောင်လက်မှတ် baccalauréat ရပြီးလျှင် ပြင်သစ်နှင့်နိုင်ငံတကာမှတက္ကသိုလ်များကို လျှောက်ထားနိုင်ကြသည်။ ပြင်သစ်နိုင်ငံတွင်ဆက်လက် ပညာသင်ယူလိုပါက Campus France နှင့်AEFE တို့ထံမှ ပညာသင်ဆုများစွာကို လျှောက်ထားနိုင်ပါသည်။ လိုအပ် သည့်သတင်းအချက်အလက်များအား လင့်ခ်နှိပ်ပြီးကြည့်ပါရန်။
ကျောင်းသမိုင်းကြောင်း
ပြင်သစ်ရေနံကုမ္ပဏီ Total group တွင်တာဝန်ထမ်းဆောင်ကြသည့်ဝန်ထမ်းသား၊သမီးများပညာရေးအတွက်ရည်ရွယ်ပြီး ၁၉၉၃ ခုနှစ်တွင် ပြင်သစ်ကျောင်းကိုစတင်တည်ထောင်ခဲ့သည်။
၂၀၁၁ခုနှစ်တွင် Joseph Kessel အမည်ဖြင့်၄င်း၊ ၂၀၁၆ခုနှစ်တွင် ပြင်သစ်ကျောင်းများကွန်ယက်၏အဖွဲ့ဝင် ပြင်သစ်နိုင်ငံတကာကျောင်းအဖြစ်၄င်းရပ်တည်ရင်း မူကြိုမှတက္ကသိုလ်ဝင်တန်းအထိအတန်းများအားဖွင့်လှစ်သင်ကြားလျှက်ရှိပါသည်။
JOSEPH KESSEL နှင့် LFIR ကျောင်းခြင်္သေ့
ဒုတိယကမ္ဘာစစ်အတွင်း လေသူရဲတော်လှန်ရေးစာရေးဆရာ၊စွန့်စားခရီးသွားသတင်းထောက်အဖြစ် ကျော်ကြားသည့် ဂျိုဆက်ဖ်ကတ်ဆယ် သည်မြန်မာပြည်ရှိ မိုးကုတ်မြို့သို့ ၁၉၅၅ခုနှစ်တွင် အလည်အပတ်ရောက်ရှိခဲ့သည်။ အမေ့ခံမြို့မှကိုယ်တွေ့ဖြစ်ရပ်အား “ပတ္တမြားတောင်ကြား”အမည်ဖြင့်မှတ်တမ်းတင်ရေးသားခဲ့သည်။ အဆိုပါစာရေးဆရာသည်ခြင်္သေ့နှင့် ပထရစ်ရှာဆိုသူမိန်းကလေးတို့အပြန်အလှန်ထားရှိသည့်သူငယ်ချင်းသံယောဇဉ်အကြောင်း ကို “ခြင်္သေ့”အမည်ဖြင့် စာအုပ်ရေးသားခဲ့ရာ စာအုပ်ထဲမှသမိုင်းဝင်ဇာတ်ကောင် ခြင်္သေ့အား ကျောင်းသင်္ကေတအဖြစ် မှတ်တမ်းတင်အသုံးပြုထားသည်။
MY 
GB 
FR 
