မူလတန်းတွင်အတန်းအဆင့်၅ဆင့် (CP မှ CM2အထိ) ပါဝင်သည်။ အမေရိကန်ပညာရေးနှင့်နှိုင်းယှဉ်လျှင် Grade 1မှ 5 အထိ၊ အင်္ဂလိပ်ပညာရေးအရ Year 2 to 6. စာသင်နှစ်တနှစ်လုံးအတွက်စာသင်ချိန်စုစုပေါင်း ၈၆၄နာရီဖြစ်ပြီး တပတ်လျှင်၂၇နာရီသင်ကြားပေးသည်။
ကျောင်းတနေ့တာကို နံက်၈နာရီတွင်စတင်ပြီးနေ့လယ်၂:၄၅နာရီတွင်ပြီးဆုံးသည်။ မနက်မုန့်စားချိန်နှင့်နေ့လယ်ထမင်းစားချိန်တို့ပါရှိသည်။ ဗုဒ္ဓဟူးနေ့မှာနေ့တဝက်ဖြစ်သည့်အတွက်ကလေးငယ်များအနားယူချိန်ရသည်။ ကျောင်းချိန်ပြင်ပအတန်းများ ကိုမူ ဗုဒ္ဓဟူးနေ့အပါအဝင်နေ့စဉ်တိုင်းလိုဖွင့်လှစ်ပေးထားသည်။
LFIR မူလတန်း
ကျောင်း၏အဓိကရည်ရွယ်ချက်မှာ တဦးချင်းစွမ်းဆောင်ရည်တိုးတက်ရန်နှင့် မိမိကိုယ်ကိုယ်ယုံကြည်မှုရှိလာစေရန်ဖြစ်သည်။ အချင်းချင်းလေးစားသောဆက်ဆံရေးကိုအလေးပေးခြင်းဖြင့် ကျောင်းသား/သူများအမြင့်ဆုံးစွမ်းဆောင်နိုင်စွမ်းကိုရှာဖွေဖော်ထုတ်ရာ၌ပံ့ပိုးပေးရန်ဖြစ်သည်။
ခေတ်မှီသင်ရိုးညွှန်းတမ်းကိုလက်စွဲထားရင်း တနေ့တာသင်ကြားခြင်းကိုမတူညီသောလှုပ်ရှားမှုများနှင့် နိုးကြားတက်ကြွစွာပါင်ဝင်စေသည့်အပြင်၊အသင်းအဖွဲ့နှင့်အတူလုပ်ဆောင်မှုများလည်းပါဝင်စေသည်။ စာသင်သားများအားကိုယ်ပိုင်လွတ်လပ်စွာတွေးခေါ်နိုင်စွမ်းကိုမြှင့်တင်ပေးသည်။ ဤသို့ဖေးမပေးရင်း အလယ်တန်းကျောင်းစာသင်သားဘဝတွင်ကြုံရမည့်ကိုယ်ပိုင်ဆုံးဖြတ်နိုင်စွမ်းရလာစေရန် အတွက်ကြိုတင်ပြင်ဆင်ပေးသည်။
ကိုယ်လက်လှုပ်ရှားအားကစားမှာမူမူလတန်းပရိုဂရမ်အတွက်အခရာကျလေသည်။ စာသင်ခန်းပြင်ပရှိ အားကစားကွင်း၊ကျယ်ဝန်းသောကစားခုန်စားနေရာများ၌အားလပ်ချိန်ခဏတာများအချိန် ကုန်ဆုံးစေသည်။
မူလတန်းတွင် ဘာသာရပ်မျိုးစုံအတွက်အောက်ပါအတိုင်းအချိန်ခွဲခြားသတ်မှတ်လေသည်။
- ပြင်သစ်ဘာသာ - ၉ နာရီ
- အင်္ဂလိပ်ဘာသာ* - ၃ နာရီ
- မြန်မာဘာသာ - ၁ နာရီ
- သင်္ချာ - ၅ နာရီ
- သိပ္ပံနှင့်နည်းပညာ - ၂ နာရီ
- ပထဝီနှင့်သမိုင်း - ၂ နာရီ
- ကိုယ်လက်လှုပ်ရှားအားကစား - ၃ နာရီ
- အနုပညာ - ၂ နာရီ
မူလတန်းသင်ရိုးပရိုဂရမ်
ပြင်သစ်သင်ရိုးပရိုဂရမ်အရမူလတန်းတွင်အခြေခံအကျဆုံးသောအရေးအဖတ်၊ဂဏန်းသင်္ချာ၊ပြဿနာအဖြေ ရှာခြင်းများ တတ်မြောက်စေရေးအတွက်ရည်ရွယ်ပြီး လေ့ကျင့် ပေးသည်။ အလားတူပင်ဉာဏ်စွမ်းရည်၊အနုပညာကိုတွေ့ထိခံစားနိုင်စွမ်း၊အားကစားစိတ်ဓါတ်စွမ်းရည်များဖွံ့ဖြိုးလာစေရန်ဖြစ်သည်။
မွေးရပ်ဒေသမတူသူကလေးအချင်းချင်းမတူကွဲပြားမှုများအပေါ်သဘောပေါက်လျှက်အပြန်အလှန် လေးစားမှုကိုပေါ်ပေါက်စေသည်။ ထိုမှတဆင့် ကလေးအခွင့်အရေးနှင့် ယောက်ျား/မိန်းမတန်းတူ အခွင့်အရေးများအပေါ်လေးစားမှု၏ အရေးပါပုံကိုနားလည်စေရန်ဖြစ်သည်။
ပရိုဂရမ််မှာပြင်သစ်ပညာရေး၏အခြေခံသင်ရိုးတွင်ပါဝင်သောဗဟုသုတများ၊စွမ်းဆောင်ရည်များ၊တန်ဖိုးထားမှုများနှင့်ရှိသင့်သဘောထားများသင်ကြားပေးသည်။ ကလေးများယဉ်ကျေးသောနိုင်ငံသားကောင်းဖြစ်လာစေရေး၊အနာဂါတ်တွင်ကိုယ်ပိုင်ဘဝအောင်မြင်ရေးတို့အတွက်ရည်ရွယ်သည်။
မူလတန်းနှင့်အလယ်တန်း၊အထက်တန်းတလျှောက်သင်ကြားမှုအတွက်အောက်ပါအဓိကအားဖြင့် အခန်းကဏ္ဌ၅ခုပါဝင်သည်။
ဘာသာစကားအမျိုးအစား၄မျိုးကိုနားလည်စေရန်-ပြင်သစ်ဘာသာစကား၊နိုင်ငံခြားဘာသာစကားများ၊သိပ္ပံပညာရပ်ဆိုင်ရာဘာသာစကားများ၊င်္သချာဘာသာရပ်နှင့်နည်းပညာဆိုင်ရာဘာသာရပ်များအတွက် ဘာသာစကားများ၊အနုပညာနှင့်ခန္ဓာဗေဒဆိုင်ရာပညာရပ်ဘာသာစကားများပါဝင်သည်။
တဦးခြင်း (သို့မဟုတ်) အဖွဲ့လိုက် သင်ယူခြင်းအတတ်ကိုသင်ယူရန်- သတင်းအချက်အလက်များရယူခြင်းနှင့်သိမ်းဆည်းခြင်းအတွက်-ကွန်ပြူတာစနစ်အသုံးချခြင်း၊သင်ယူခြင်းများ တွင်တဦးခြင်းနှင့်စုပေါင်းပရောဂျက်များလုပ်ဆောင်စေခြင်းများပါဝင်သည်။
အခြေခံကျသောတန်ဖိုးထားမှု၊မူဝါဒများလက်ဆင့်ကမ်းပေးခြင်း-လူမှုပတ်ဝန်းကျင်တွင်အများနှင့်ပူးပေါင်းဆောင်ရွက်တတ်သော၊ယဉ်ကျေးသောလူမျိုးစိတ်၊ ကျင့်ဝတ်ပိုင်းဆိုင်ရာအသိစိတ်၊အဆင့်မှီသောနိုင်ငံသားစိတ်၊ အခြားသူများ၏ရွေးချယ်မှုအပေါ်လေးစားစိတ်၊ တာဝန်သိစိတ်များဖွံ့ဖြိုးရန်သင်ကြားပေးသည်။
သင်္ချာအခြေခံသဘောတရား၊သိပ္ပံနှင့်နည်းပညာဆိုင်ရာအခြေခံများရရှိစေရန်-ကမ္ဘာနှင့်စက္ကြာဝဠာကို သိပ္ပံနှင့်နည်းပညာရှုထောင့်မှချဉ်းကပ်ခြင်း၊စူးစမ်းလေ့လာလိုစိတ်နှင့်သိမြင်လိုစိတ်၊ ပြဿနာဖြေရှင်းနိုင်စွမ်းတို့ကိုသင်ကြားပေးသည်။
ပထဝီဝင်အခြေခံသဘောတရားဆိုင်ရာ “နေရာ” နှင့် သမိုင်းဆိုင်ရာ”အချိန်”သဘောတရား-လူမှုအဖွဲ့အစည်းများ၏အဖြစ်အပျက်များနှင့်ပက်သက်ပြီး နေရာ၊အချိန်သဘောတရားတို့ကိုဆက်စပ်သဘောပေါက်စေရန်၊လူသားတို့၏ယဉ်ကျေးမှုဆိုင်ရာ ထုတ်ကုန်များအပေါ်သုံးသပ်တတ်ရာမှတဆင့်လက်ရှိလူမှုဝန်းကျင်နှင့်ဆိုင်သောဗဟုသုတများလက်လှမ်းမှီစေန်ဖြစ်သည်။
MY 
GB 
FR 
