ပြင်သစ်ပညာရေးစနစ်

ပြင်သစ်ပညာရေးစနစ်တွင်အဓိကအလေးပေးသည်မှာထင်ပေါ်ကျော်ကြားသောပြင်သစ် ပညာရေးဆိုင်ရာ အသိပညာကျယ်ပြန့်မှုနှင့် ဝေဖန်ပိုင်းခြားတွေးခေါ်မှုဆိုင်ရာများပင်ဖြစ်သည်။ ပြင်သစ်စကားမပြောသည့်နိုင်ငံတကာကျောင်းသားများ အများစုနှင့်ဖွဲ့စည်းထားသည့်အတွက် သင်ရိုးညွှန်းတမ်းအား ယဉ်ကျေးမှုပေါင်းစုံ၊ ဘာသာစကားမျိုးစုံသော ပတ်ဝန်းကျင်နှင့် လိုက်လျောညီထွေမှုးရှိစေရေးဆွဲထားသည်။
LFIR ကျောင်းသား/သူများအား ဘာသာစကားများနှင့် ယဉ်ကျေးမှုဓလေ့ထုံးတမ်းများဆိုင်ရာ အရည်အသွေးများ တိုးတက်စေရန် အခွင့်အရေးများ ဖန်တီးထားပါသည်။

နိုင်ငံတကာ ပြင်သစ်ကျောင်းများမှ ကလေးများသည် အထက်တန်းဒီပလိုမာစာမေးပွဲအောင်မြင်ပြီးနောက် ပြင်သစ် ပြည်သို့မဟုတ် နိုင်ငံတကာ တက္ကသိုလ်များ၌ အခြားသင်ရိုးညွှန်းတမ်းများနှင့် အလွယ်တကူ လိုက်လျောညီထွေစွာ တက်ရောက်နိုင်ကြသည်။
ပြင်သစ်တွင် ပညာသင်ကြားလိုသူများအတွက်လည်း Campus France နှင့် AEFE တို့မှ ပညာသင်ဆုအမျိုးမျိုးကို လျှောက်ထားရရှိနိုင်ပါသည်။

AEFE ကျောင်းများ (LFIR အပါအဝင်) မှ ကျောင်းသား/သူများအားလုံး ဝင်ခွင့်စာမေးပွဲ ဖြေဆိုရန်မလိုဘဲ ကမ္ဘာပေါ်ရှိ အခြားပြင်သစ်ကျောင်းများတွင် ဆက်လက်ပညာသင်ကြားနိုင်သည်- ယခုလက်ရှိတွင် နိုင်ငံပေါင်း -၁၃၈ တွင် ၅၆၆ ကျောင်းများရှိသည်။

ပြင်သစ်ပညာရေးစနစ်၏ အဆင့်တစ်ခုစီ၏ အသေးစိတ် အချက်အလက်များကို ပိုမိုသိရှိရန် မူကြို၊ မူလတန်းကျောင်း၊ အထက်တန်းကျောင်းနှင့် အဆင့်မြင့်ပညာရေးများအတွက် သီးသန့်စာမျက်နှာများကို လေ့လာကြည့်ပါ။