ပညာရေးဆိုင်ရာအဆင့်အတန်းမြင့်မားခြင်းနှင့်အရည်အသွေးပြည့်ဝခြင်းတို့ကြောင့် ပြင်သစ်ပညာရေးစနစ်မှာ ဂုဏ်သတင်းကျော်ဇောသည်။
အသိပညာဗဟုသုတကြွယ်ဝခြင်းအပြင်ဆင်ခြင်ဉာဏ်အသုံးပြုနိုင်စွမ်း၊ပြဿနာဖြေရှင်းနိုင်စွမ်းအခြေခံကောင်းများခိုင်မာစေရန်ပြင်သစ်ကျောင်းမှသင်ကြားပြသပေးသည်။ နိုင်ငံတကာကျောင်းသား/သူများနှင့်အထူးသင့်လျော်မည့် မတူညီသည့်ဘာသာစကားများဖြင့်နိုင်ငံတကာဝမ်းကျင်ကိုဖန်တီးပေးထားသည်။
အခြားပြင်သစ်နိုင်ငံတကာကျောင်းများနှင့်အလားတူလက်ရှိတွင်ပြင်သစ်နိုင်ငံတကာကျောင်းရန်ကုန်၌နိုင်ငံတကာမှကျောင်းသား/သူများအများစုကိုလက်ခံထားသည်။
ဓလေ့ထုံးစံမတူညီသည့်ပတ်ဝန်းကျင်၏အကျိုးကျေးဇူးဖြင့် မျက်မှောက်ကမ္ဘာတွင်လိုအပ်သည့် ဘာသာစကားစွမ်းရည်တိုးတက်မှု၊ မတူကွဲပြားသည့်ယဉ်ကျေးမှုဝန်းကျင်ကိုရင်းနှီးကျွမ်းဝင်မှု တို့ဖြင့်ကျောင်းသား/သူများအနာဂါတ်အတွက်ပြင်ဆင်ပေးသည်။
ပြင်သစ်နိုင်ငံတကာကျောင်းမှအခြားနိုင်ငံမှမည်သည့်ပြင်သစ်နိုင်ငံတကာကျောင်းကိုမဆိုပြောင်းရွှေ့နိုင်သည့်အပြင်၊အခြားသောနိုင်ငံတကာကျောင်းသင်ရိုးများကိုပါအခက်အခဲမရှိသင်ယူလေ့လာနိုင်စွမ်းရှိကြသည်။
ပြင်သစ်တက္ကသိုလ်ဝင်တန်းအောင်လက်မှတ် ဒီပလိုမာ Baccalauréat ၏ကျော်ကြားသောဂုဏ်သတင်းကြောင့် ပြင်သစ်နိုင်ငံတကာကျောင်းမှအထက်တန်းကျောင်းအောင်မြင်ပြီးသူများမှာ အထင်ကရအဆင့်မြင့်ပညာကျောင်းများတွင်ဆက်လက်တက်လှမ်းနိုင်ကြသည်။ အဆင့်မြင့်ပညာရေးအတွက်လိုအပ်သည့် အရည်အချင်းများပြင်ဆင်ပေးရာတွေကမ္ဘာ့အဆင့်မှီအရည်အသွေးပြည့်သည့် ဒီပလိုမာဖြစ်သည်။ မြောက်အမေရိကန်တက္ကသိုလ်များသည် Baccalauréat ကိုင်ဆောင်သူများအား စာသင်နှစ် တစ်နှစ်စာ အပိုခရက်ဒစ်များ ပေးလေ့ရှိပါသည်။
ပြင်သစ်တွင်ဆက်လက်ပညာသင်ကြားလိုသူများအတွက်လည်းပညာသင်ဆုများစွာလျှောက်ထားနိုင်ကြသည်။
ပြင်သစ်ကျောင်းများကွန်ရက် တွင် နိုင်ငံပေါင်း၁၃၉ နိုင်ငံမှကျောင်းပေါင်း၅၈၀ကျောင်းပါဝင်သည်။ ကမ္ဘာအနှံ့ကျောင်းသား/သူ ၃၉၀ ၀၀၀ အနက် ၄၀%မှာပြင်သစ်လုမျိုးများဖြစ်ပြီး၆၀%မှာအခြားလူမျိုးများဖြစ်သည်။ ကမ္ဘာအနှံ့ရှိ ပြင်သစ်နိုင်ငံတကာကျောင်းများမှကျောင်းသား/သူများမှာနိုင်ငံပြောင်းရွှေ့ရာတွင် ပြင်သစ်ကျောင်းများကွန်ရက်အဖွဲ့ဝင်နိုင်ငံတကာကျောင်းများကိုသာရွေးလေ့ရှကြသည်။
ပြင်သစ်နိုင်ငံခြားရေးရာဝန်ကြီးဌာနအောက်ရှိအစိုးအရအဖွဲ့အစည်းဖြစ်သော ပြင်သစ်ကျောင်းများကွန်ရက်အဖွဲ့သည် အရည်အသွေးရှိသောပြင်သစ်ပညာရေးဖြစ်စေရန်အထူးအလေးပေးသည်။ ကမ္ဘာအနှံပြင်သစ်ကျောင်းများအားပံ့ပိုးပေးခြင်းအတွက် စာရင်းအစစ်အဖွဲ့များပုံမှန်စေလွှတ်ခြင်းဖြင့်ပညာရေးအဆင့်အတန်းမြင့်မားရေးအတွက်ကြပ်မပ်ပေးသည်။
ပြင်သစ်ပြည်ပ ပညာရေးအင်ဂျင်စီအဖွဲ့ဝင် ကျောင်းများအားပြင်သစ်နိုင်ငံခြားရေးဝန်ကြီးဌာနမှတရားဝင်အသိအမှတ်ပြုလက်မှတ်ပေးအပ်ထားသည်။ အဆိုပါလက်မှတ်အရ ပြင်သစ်ပညာရေးစနစ်၏စံနှုန်းများဖြင့်ချိန်ထိုးကာ စာသင်ကြားရေးရည်ရွယ်ချက်များသင်ရိုးညွှန်းတမ်းများကိုအရည်အသွေးကြပ်မတ်ပေးသည်။
ထို့အပြင် တရားဝင်အသိအမှတ်ပြုခြင်းဆိုင်ရာ အချက်အလက်များစံနှုန်းပြည့်မှီစေရန် ကျောင်းများအားလုံးအားပုံမှန်စစ်ဆေးရေးများစေလွှတ်သည်။ ပြင်သစ်နိုင်ငံတကာကျောင်း(ရန်ကုန်)၏နောက်ဆုံးစာရင်းစစ်ချက်များကိုဖတ်ရန် လင့်ခ်ကိုနှိပ်ပါ။
ကျောင်းစာသင်ကြားခြင်းကိုမူကြိုအရွယ်၃နှစ်မှစတင်သင်ကြားပေးသည်ဖြစ်၍ ပြင်သစ်အစိုးရသင်ရိုးစနစ်မှာရင်သွေးငယ်အရွယ်မှစပြီးစဉ်ဆက်မပြတ်ဖွံ့ဖြိုးတိုးတက်ရေးအတွက်သင်ကြားမှုများပါဝင်သည်။
အရည်အသွေးအစမ်းသပ်ခံသည့် သင်ရိုးညွှန်းတမ်းသည် ပညာရပ်ဗဟုသုတသာမက စဉ်းစားဆင်ခြင်နိုင်စွမ်းနှင့်မိမိကိုယ်ကိုယ်ယုံကြည်အားကိုးမှုတို့ကိုပါသင်ကြားပေးသည်။ လူသားဆန်မှုအနှစ်သာရများအားလည်းလက်ဆင့်ကမ်းပေးသည်။ အနုပညာ၊ဘာသာစကား၊အားကစားတို့မှတဆင့် မိမိတို့ကိုယ်ပိုင်ဟန်ကိုဖော်ထုတ်နိုင်ရန်အခွင့်အလမ်းပေးသည်။
သင်ကြားရေးစနစ်မှာ ရိုးရာနှင့်ခေတ်မှီသင်ကြားပုံများပေါင်းစပ်ကာ တက်ကြွစွာပါဝင်စေခြင်း၊ ပူးပေါင်းဆောင်ရွက်စေခြင်း၊ ကိုယ်တိုင်စူးစမ်းလေ့လာစေခြင်းတို့ဖြင့် စနစ်တကျချဉ်းကပ်သင်ကြားပေးသည်။
မူကြိုသင်ရိုးတွင် ကလေးငယ်များသဘာဝအလျှောက်ဖွံ့ဖြိုးမှုအပေါ်အလိုက်သင့်သင်ကြားပေးသည်။
မူလတန်းသင်ရိုးမှာမူအလယ်တန်းကျောင်းစာသင်သားအရွယ်အတွက်လိုအပ်မည့် ကိုယ်ပိုင်ဆုံးဖြတ်နိုင်စွမ်းရင့်သန်စေရန် ဖေးမသင်ကြားပေးသည်။
ဘာသာစကားသင်ကြားမှုအများဆုံးဘာသာစကားများအနက်ကမ္ဘာ့ဒုတိယနေရာသည်ပြင်သစ်ဘာသာစကားဖြစ်သည်။ နိုင်ငံတကာဆက်သွယ်ပြောဆိုမှုများအတွက် ပြင်သစ်ဘာသာစကားမှာအရေးပါလှသည်။
ပြင်သစ်ဘာသာစကားကျွမ်းကျင်မှုမှာ ပညာရေး၊စီးပွါးရေး၊သံတမန်ရေးရာအခွင့်အလမ်းတံခါးများအားဖွင့်ပေးသည်။ ရှန့်ဟိုင် Ranking အရအဆင့်မြင့်ပညာရေးစနစ်များထဲတွင်ပြင်သစ်ပညာရေးစနစ်မှာကမ္ဘာ့နံ့ပါတ်၃နေရာတွင်ရှိသည်။ အဆိုပါ ရှန့်ဟိုင် Ranking သည်နိုင်ငံပေါင်းစုံပါဝင်သောကမ္ဘာ့ရှေ့ပြေးဦးဆောင်သည့်အခြေစိုက်အဖွဲ့ဖြစ်သည််။
ကာလကြာမြင့်စွာသံတမန်နှင့်နိုင်ငံတကာဆက်ဆံရေးအတွက်အသုံးပြုနေသောဘာသာစကားဖြစ်သည့်အလျှောက် ပြင်သစ်ဘာသာစကားကို ကမ္ဘာ့ကုလသမဂ္ဂအဖွဲ့(UN) ၊ ဥရောပသမဂ္ဂအဖွဲ့(EU)၊ စီးပွားရေး ပူးပေါင်းဆောင်ရွက်ရေးနှင့် ဖွံ့ဖြိုးတိုးတက်ရေး အဖွဲ့အစည်း(OECD), ကမ္ဘာ့ကုန်သည်ကြီးများအဖွဲ့ (WTO) နှင့် နိုင်ငံတကာကြက်ခြေနီအသင်း (ICRC) တို့တွင်ရုံးသုံးဘာသာစကားဖြစ်သည်။
LFIR ၏အတွေ့အကြုံရှိသည့်ဆရာ/မ များသည်ပြင်သစ်စကားမပြောတတ်သေးသည့်ကလေးများအတွက်အထူးအစီအစဉ်ဆွဲ၍သင်ကြားပြသပေးလျှက်ရှိသည်။
MY 
GB 
FR 