LFIR သည် ပြင်သစ်ပြည်ပြင်ပ ပညာရေးအင်ဂျင်စီ AEFE (Agency for French Education Abroad) အဖွဲ့၀င်ဖြစ်ပြီးကမ္ဘာတဝှမ်းတွင် အရည်အသွေး အာမခံချက်ပေးနိုင်သည့်ပြင်သစ်ပညာရေးစနစ်ပံ့ပိုးပေးရန်ရည်ရွယ်သော၀န်ကြီးဌာနဆိုင်ရာအဖွဲ့အစည်းဖြစ်သည်။ ပြင်သစ်နိုင်ငံခြားရေးဝန်ကြီးဌာနလာက်အောက်ရှိဤအဖွဲ့အစည်း၏အဓိကရည်ရွယ်ချက်မှာ ထူးခြားလှသည့်ကမ္ဘာ့ပညာရေးကွန်ယက်အားပံ့ပိုးမြှင့်တင်ပေးရန်ဖြစ်သည်။ လက်ရှိတွင်
- ကျောင်း ၅၈၀ ကျောင်း
- နိုင်ငံ ၁၃၉ နိုင်ငံ
- ကျောင်းသားဦးရေ ၃၉၀ ၀၀၀ ယောက်
- ပြင်သစ်လူမျိုး ၄၀%နှင့် အခြားလူမျိုး ၆၀%
သို့ပါ၍ LFIR ကျောင်းသား/သူများမှာ ပြင်သစ်ပညာရေးအင်ဂျင်စီအဖွဲ့ဝင် အလိုလျောက် ဖြစ်လာကြပြီး ကမ္ဘာတဝှမ်းရှိမည်သည့်အဖွဲ့၀င်ကျောင်းတွင်မဆို ၀င်ခွင့်မလိုဘဲ ၀င်ရောက်တက်နိုင်ပါသည်။
တရားဝင်အသိအမှတ်ပြုလက်မှတ်
ပြင်သစ်ပညာရေးအင်ဂျင်စီအဖွဲ့ဝင်ဖြစ်သည့်အားလျော်စွာ LFIR အားပြင်သစ်ပညာရေးဝန်ကြီးဌာနမှတရားဝင်အသိအမှတ်ပြုထားသည်။ ဤလက်မှတ်အရသင်ကြားသည့်ပရိုဂရမ်၊ရည်ရွယ်ချက်၊အဖွဲ့အစည်းဆိုင်ရာတန်ဖိုးထားမှုများအား ပြင်သစ်ပညာရေးစနစ်နှင့်ချိန်ထိုးကာအရည်အသွေးကိုထိန်းညှိသည်။ တရားဝင်အသိအမှတ်ပြုစည်းကမ်းချက်များနှင့်ကိုက်ညီစေမှုရှိစေရေးအတွက်ပုံမှန်စစ်ဆေးရေးများထားရှိသည်။
ပြင်သစ်နှင့် နိုင်ငံတကာပရိုဂရမ်
ကွန်ယက်အဖွဲ့ဝင်များပြင်သစ်ပညာရေးပရိုဂရမ်အားလိုက်နာမှုရှိစေရေးအားအလေးအနက်ထားလျှက် အိမ်ရှင်နိုင်ငံများ၏ယဉ်ကျေးမှု၊ဘာသာစကားများကိုပါအလေးပေးထည့်သွင်းခြင်းဖြင့်ဘာသာစကားအများ အပြားတတ်ကျွမ်းမှုရှိစေရန်ရည်ရွယ်သည်။ ပြင်သစ်စကားသည်မိခင်ဘာသာစကားမဟုတ်သည့် ကျောင်းသား/သူအများစုဖြင့်ဖွဲ့စည်းထားသော LFIRမှာကွဲပြားခြားနားသည့်ယဉ်ကျေးမှု၊ဘာသာစကား ၀န်းကျင် နှင့်ကိုက်ညီသည့်သင်ရိုးညွှန်း တမ်း အတိုင်းသင်ကြားသည်။
ပြင်သစ်ပြင်ညာရေးပရိုဂရမ်မှတဆင့် ခိုင်မာသောအခြေခံ၊ သီအိုရီပိုင်းဆိုင်ရာ ကျယ်ပြန့်သောအသိပညာများသင်ကြားသည်။ထို့အပြင်မတူညီသောဘာသာစကားနှင့်ယဉ်ကျေးမှုဆိုင် ရာစွမ်းဆောင်ရည်မြင့်မားလာစေရန်အတွက်နိုင်ငံတကာကျောင်းဝန်းကျင်တို့ကို LFIRမှဖန်တီးပေးသည်။
နိုင်ငံတစ်နိုင်ငံမှအခြားနိုင်ငံသို့ ကူးပြောင်းကြတဲ့ကလေးများသည် သူတို့၏ပညာရေးကို အခက်အခဲမရှိ ပြင်သစ်ကျောင်းတစ်ခုမှာ ဆက်လက် သင်ယူနိုင်ပါသည်။ ပြင်သစ်နိုင်ငံတကာကျောင်းမှကလေးများအတွက်မှာမူ တခြားနိုင်ငံတကာကျောင်းတစ်ကျောင်းကို ပြောင်းတက်သည့်အခါတွင်လည်း လိုက်လျောညီထွေ ရှိအောင်လုပ်ဖို့ အင်မတန်မှ လျင်မြန်လှပါသည်။
ပြင်သစ်ပြည်ပြင်ပ ပညာရေးအင်ဂျင်စီ AEFEမှပံ့ပိုးမှု
LFIR သည်ကျွမ်းကျင်သော ပြင်သစ်ပြည်ပြင်ပ ပညာရေးအင်ဂျင်စီ AEFE ထံမှ အဖက်ဖက်မှပံ့ပိုးမှုရပြီး အထူးသဖြင့် ဆရာ/မခန့်ထားရေးနှင့် သင်တန်းများအတွက်ဖြစ်သည်။ AEFEဖက်မှ သင်ကြားရေးတွင်စံနှုန်းများကိုက်မှီစေရေး၊ ဘာသာစကားမျိုးစုံအတွက်စီမံဆောင်ရွက်မှု များ၊ အရည်အသွေးမှီဆရာ/မများခန့်ထားရေးနှင့် သင်တန်းများအတွက်အားထုတ်ပေးသည်။ ကျောင်းစစ်ဆေးရေးပုံမှန်စေလွှတ်သည်။ “les Ambassadeurs en Herbe” ကဲ့သို့သောနိုင်ငံတကာပြိုင်ပွဲများကျင်းပပေးသည်။
ပြင်သစ်ပြည်ပြင်ပ ပညာရေးအင်ဂျင်စီ AEFE ၏ အဓိကရည်ရွယ်ချက်များ
- ကမ္ဘာ့အကြီးဆုံးကွန်ယက်အဖွဲ့၀င်နိုင်ငံတကာကျောင်းများအားတရားဝင်လက်မှတ်ထုတ်ပေးရေးအတွက်လမ်းညွှန်မှုပေးရန်၊ပံ့ပိုးရန်၊အကြံပြုပေးရန်နှင့်ပြည်သစ်ပြည်ပြင်ပတွင်ကျောင်းများရပ်တည်လုပ်ကိုင်နိုင်ရန်တို့အတွက်ဖြစ်သည်။
- ပြင်သစ်နိုင်ငံပြည်ပရှိကလေးငယ်(မည်သည့်လူမျိုးမဆို)ပြင်သစ်ဘာသာစကားဆက်လက်သင်ကြားမှုအားထောက်ပံ့နိုင်ရန်။
- အိမ်ရှင်နိုင်ငံများနှင့်ပညာရေးဆိုင်ရာပူးပေါင်းဆောင်ရွက်ရာတွင်ယဉ်ကျေးမှု၊ ဘာသာစကား ၊ပညာရေးစနစ်တို့ကိုအထူးအလေးပေးရန် ဖြစ်သည်။
- ကျောင်းစရိတ်သက်သာစွာဖြင့်သင်ကြားပေးနိုင်ရန်အတွက်စရိတ်စကကိုချုံ့ပေးခြင်းဖြင့်မိသားစုများအားကူညီရန်ဖြစ်သည်။
- ထူးချွန်သောနိုင်ငံတကာကျောင်းသား/သူများအားပြင်သစ်ပြည်သို့ပညာတော်သင်ဆုများပေးအပ်ရန်ဖြစ်သည်။
MY 
GB 
FR 